मद्यपान आणि राशीचे स्वभाव....!
थोडेसेच ड्रींक का असेना
मेष आवडीने घेणार
गरम, चमचमीत चखण्या बरोबर ब्रँड वर
यांची पहिली नजर जाणार...!।।१।।
वृषभेची व्यक्ती दिलखुलास पणे
दाद देऊन जाते...
पिण्या बरोबर चखणा नसला तरी
चार पाच पेग अगदी आरामात रिचवते...!।।२।।
कधी मारुनी चखण्या च्या मिटक्या
कधी नन्नाचा चाले पाढा...
मिथुनाचे कौतुक वेगळे
टाईट झाला तरी न कळे...! ।।३।।
'मद्य हे पूर्णब्रह्म' म्हणत
कर्केचे होते पूर्ण सेवन...
कडवट पण थंड बीअर
कसे पटकन करतात सेवन...! ।।४।।
राजरोस पणे पिण्याचा सिंहेचा
केवढा राजेशाही थाट...!
फूल खंबा घेतला तरी
यांची नाही लागत वाट...! ।।५।।
'कमी-जास्त नाही ना ?'
याची उगाच बाळगून भीती...!
इतरांकडे पाहून ठरते
कन्येची पिण्याची नीती...! ।।६।।
तंदूरी चिकन बरोबर
पचतील तेवढेच पेग...!
अशा संतुलित सेवना नंतर
तूळ खाते चिकन लेग...! ।।७।।
काही Missing आहे का
कधी कळतही नाही...!
साधी बीअर ही
वृश्चिकेला पचत नाही...! ।।८।।
कधी पटपट - झटपट पेग
तर कधी अगदीच वेळकाढू...!
धनू कधीच बिल भरत नाही
पण वेळ मिळताच संधीसाधू...!।।९।।
ना कधी कौतुक
ना कसली नकारघंटा...!
गपगुमान पितो मकर
करत नाही कधी थट्टा...! ।।१०।।
निश्चित वेळ पिण्याची
पार्टी असो वा एखादे लग्न...!
कुंभेची चिकित्सक वृत्ती
नेहमी मद्याचा ब्राण्ड जाणण्यात मग्न...!।।११।।
कधी - कुठेही जमते
मीनेची पिण्याशी गट्टी...!
पोटभर प्याल्यावर घेतात
'डाएट' नावाशी कट्टी...! ।।१२।।
आहे ना गंमत... !